Mark 11

1Wa walʋ serusalem, wa ñʋtən petefasə nən petani kɔri sə cal-ɔ olifi wʋŋ cal, nən yesu tɨr ι waratənkra ka naʋl. 2N’ ι kal wa sə ιι wal kɔrə-ɔ nka wι mι yəsa ta na, ι sι kɔrə-ɔ nka ta na, ιι nakən wonkι-ɔ nkar-ɔ ahɔ ka ka yər ta cɔ ka rə n’ι na, nιι yera ka n’ιι kɔn- m. 3Nən yərə wasʋ mι sə ι yerʋ ka həmɔ, ιι kal-ι sə Acii ciina ka, n’ιι tιιr nə yeɗə ka n ‘ιι kɔn-m ka ce.

4Wa kur wa wal wa nɔn wonkι-ɔ nkɔ kɔrι-ɔ nka nɔ ka nampʋŋ nɔ ka ahɔka nə wa yer ka. 5N nɔɔn yəra cəkalwa mpa wι rəna na, wa wasə wa sə: “arlapa n’ιι yerʋ wonkι-ɔ ka? “ 6wa pəsən wa sə Yesu kal wa wona, nə yera mpa yel wa wa rι.

7Ιι wara tənkra naʋl-mpa kɔn wonkι-ɔ nkɔ Yesu cal nə wa wa ahuntən ka ka rə nə Yesu kpa n’ι cɔ ka rə. 8Yəra kpatər wa wa ahuntən ka nampʋŋ ta nə nιmparə wa ten hatə ka wa pial tə sιιnta. 9Wompa kaa tial yesa ta na nə wompa wι wara na wa ko sə ‘‘OSANA‘’.A waasə woñι kʋŋ nən Acii yəɖə rə na, 10A Waasə ra ci TAFITƏ wurtə ntə kʋŋ na OSANA ka ashiata.

11Yesu wal serusalem kɔrʋ ta n’ι sιι Αshia rɨɔ ta n’ι ñəl rəkalkal ka rilantən n’nɔɔn ran rana nə ñιn ι waratənkra hiʋ nən naʋ wa rιn Petani kɔrʋ ta. 12Ʋ kanɖe atι-ɔ wontəna wa kʋr Petani wa pəsʋ wontəna ñʋsə kʋ-ι.

13Ι na amənkalι tɨʋ ka kʋ lɔtə rə laʋlaʋ ka wolən, n’ι wal sə ιna sə kʋ ləl wi na, ι tal kʋtι-ɔ wontəna ι ta nɔn wər, ama hatə kəna wontə rι na n’nɔɔn yaa kʋ ləlι alwatə klι. 14Ι kal kʋ sə: nιr ra tasə s’ι tʋ ña wiir n’ιι wara tənkra nι tə.

15Wa tal Serusalem kɔrʋ t’ɔ wotə na, ι sιι Αshia rɨɔ ta n’ι rʋʋn wιtra nən yəra, n’ι κul warasə tapəl na nən alankuku witra kpelι. 16N’ι ta ha nampʋŋ sə yer wan wʋrɔ Ashia rɨɔ ta sə ι wιι tʋ.

17N’ι wʋlʋ wa sə a ta ma sə: ma rɨɔ kʋsə ka kiin faartə rɨɔ ka kɔrən tən ta ya? ama mιι kuntə n’ pəsən ka mιləm rɨɔ. 18Ashia laatə lara nən Moisɨ ñastə wʋlɖa nι tə hənp-ɔ wontə na wa cii sə wa kʋ-ι, ama wa she nanfantə wontə rə na n’nɔɔn wompa wι wa nι tə na ʋ lawa rəyaa. 19Raan ran wontə na wa li kɔrι-ɔ nka ta wa rι

20Ʋ honə ntɔntι-ɔ wontə wa wι wa rι na, wa na amənkalι tɨʋ nkʋ ka kʋ wəl kʋ tən nən kʋ tι lɨla. 21Pιεr tιsə n’ι kal sə wʋlɖə n’na amənkalι tɨʋ nkʋ nwι kʋ səmna kʋwəla.

22Yesu cɨsə wa sə, ιι mʋ Ashia rə n’ιι tɨsə. 23Təhʋləm ma kalʋ mιι sə,weñι kalʋ wʋŋ nkʋ sə: Ashia kʋsən n’ι masən lιιr ta n’ι atakʋ ι ñamər ta, ama ι mʋwa n’ ι tɨsa sə wontə ι kal tə na, tə lakə, n’tona Ashia lakə.

24Hənpɔna ma kalʋ mι sə,wontə tən ιι wasʋ tə mιι fartə ta na ιι kpər mιι ta sə ιι hɨkʋ tə n’ι tə pəsə mι yəntə. 25Ιιsənɖʋ wontə s’ι faa na, ι wιn yər ka wana, ι sʋ n’ι tιsənι fιnə mι ci ñι wι ashiata-na ι sʋ n’ι mι awakrasə n’ι tιsəm-mι. Ama nən ιι atιsəm rəma, mι mι ci wι ashiata ι ra tιsənmι mιι awakrasə 26

27Wa pəsə wa kɔn Serusalem, ka wontə n’ Yesu wι n’ι kalʋ Ashia rɨɔ ta ka wontə na, Ashia laatə lara ta shəshιampa nən Moise ñastə wʋlɖa, nən shəshιampa kɔn ι cal. 28Wa wɔsə-ι sə, ‘‘n’a huku nkɔ n’lakə na ntəñι, n’anɔ han hukʋ nkʋ?‘’

29Yesu kal wa sə, mə wɔsʋ mιι wʋtɔ kʋɖə mɔ.Ιι kaləm fιnι ma kal mι woñι ha-m huku nkʋ nə ma lakə na tə na. 30San lem lɨmsʋ liin Ashia cal yaa yəra cal? ιι kalə- m

31Wa kιlən rəma-rə, wa kalʋ rəma sə, ‘’rə kal sə ʋlin Ashia cal, ι kʋ-sə kal sə, ʋla sənɔ rəta mʋι-rə sə rətɨsə? 32Ama rə kal-ι sə ʋlin yəra cal, wa shee yəra kpatər ka nanfantə, wontə rə na yəra tən mɔsʋ sə, San kii Ashia tɨam rιsər kəna tʋfələm. Ka wa pəsən Yesus sə, rəta səm. ‘’Yesu kal wa sə ma rərə ma ra kal-m-ι woñι ham huku nə ma lakən ntə ñι na‘’.

33